BOS Lucas seu Luca

BOS Lucas seu Luca

Elephas olim Romanis dictus est. Solin. Poiyhistor c. 25. Elephantes Itaha annô Urbis conditae quadringentesimô septuagesimô seaeundô in Lucanis primum bellô Epiroticô vidit, et boves Lucas inde dixit. Nempe cum eô tempore viderent elephantem, nec scirent, quod genus animautis esset, quia in Lucania primo visus est, Bos Lucans iis primo dictus est, h. e. Lucanus, deinde Lucas et Luca. Sic iidem Romani leones primum visos notiori nomine Ursos Numidicos, Camelopardalim, ovem feram, Struthiocamelum, passerem marinum etc. nominärunt. Hinc ridet Salmasius Baronium, qui ad A. C. 58. scribit, bovem vocatum Lucam ab Italis, allusione factâ ad figuram bovis, Euangelistae Lucae tributam. Itali namque non appellârunt bovem Lucam, sed elephantem vocitârunt bovem Lucam, ut vidimus. Deinde Euangelistae Lucae aetate iam desierat bovis Lucae appellatio, Romanis tum propriô suô nomine elephantem appellantibus etc. Vide eum ad Solin. p. 308.